ඉන්දියාවේ කොවිඩ් 19 දෙවන රැල්ලේ සීඝ්‍ර ව්‍යාප්තිය හමුවේ මේ වන විට වෛද්‍යවරු 269 දෙනෙකු මියගොස් ඇති බව ඉන්දීය වෛද්‍ය සංගමය අනාවරණය කර තිබේ.
පවතින තත්ත්වය හමුවේ සාමාන්‍යයෙන් දිනකට වෛද්‍යවරු 20-25 අතර දෙනෙක් කොවිඩ් 19 හේතුවෙන් මිය යන බවයි ඔවුන් පවසන්නේ.
පළමු රැල්ලේදී ද කොවිඩ් 19 වසංගතය හේතුවෙන් එරට වෛද්‍යවරු 756 දෙනෙකු රටට අහිමි වූ අතර බොහෝ දෙනෙක් තරුණ වයස් කාණ්ඩවලට අයත් අය බවද එම සංගමය සඳහන් කරයි.
මහජන සෞඛ්‍ය දැඩි අර්බුදයක පවතින තත්ත්වයක සීමිත සම්පතක් මෙලෙස රටට වෛදවරු අහිමි වෙමින් පැවතීම කිසිලෙසකින්වත් දරාගැනීමට මෙන්ම පිරිමැසීමටද නොහැකි බව එරට වෛද්‍යවරු පෙන්වාදෙමින් ඇත.
ඒ අනුව 2020 වසරේ මාර්තු සිට මේ දක්වා කාලය තුළ ඉන්දියාවේ වෛද්‍යවරු 1025ක් කොරෝනා වෛරසයට බිලි වී තිබේ.
.
