කටුනායක ගුවන් තොටුපල යළි විවෘත කරයි..

ශ්‍රී ලංකාවට පැමිණෙන ගුවන් මගීන් සඳහා ගුවන් තොටුපලට පනවා තිබුණු තහනම අද ඉවත් කර තිබුණා.

මෙසේ ගුවන් තොටුපල යළි විවෘත කිරීමත් සමඟ ශ්‍රී ලංකාවට පැමිණි පළමු ගුවන් යානය වූයේ කටාර් ගුවන් සේවයට අයත් යානයක්.

කිව්.ආර්. 668 දරණ මෙම යානය අද (01) අලුයම 2.15 ට කටාර් රාජ්‍යයේ දෝහා සිට කටුනායක ගුවන් තොටුපල වෙත පැමිණ තිබෙනවා.

එම යානයෙන් මගීන් 53 දෙනෙකු සිට ඇති අතර, විදේශීය ගුවන් මගීන්ද ඒ අතර වන බවයි කටුනායක ගුවන් තොටුපල කාර්යභාර නිලධාරීවරයා සඳහන් කළේ.