අගමැති මහින්ද රාජපක්ෂ මහතාගේ කොන්ද ප්‍රදේශයේ මතුව තිබූ රෝගී තත්ත්වයකට ප්‍රතිකාර කිරීම සදහා පසුගිය දිනෙක බ්‍රිතාන්‍යයේ සිට මහාචාර්ය හිලාලි නූර්දීන් මහතා පැමිණ ඇති බව අනාවරණය වේ.
හිලාලි නූර්දීන් මහතා යනු බ්‍රිතාන්‍යයේ අතිශය ප්‍රකට විකලාංග සහ කොඳු ඇට පෙළ සම්බන්ධ ශල්‍ය වෛද්‍යවරයෙකි.
ඒ අනුව හිලාලි මහතා ඉකුත් සදුදා දින ලංකාවට පැමිණ නවලෝක රෝහලේදී අගමැතිවරයා හට ප්‍රතිකාර කොට ඇති බව වාර්තා වේ.
ඒ මහතා සමග තවත් එක් නිර්වින්දන වෛද්‍යවරයකු පැමිණ අගමැතිවරයාට ප්‍රතිකාර කොට එදිනම රාත්‍රියේ දෙදෙනා යළි බ්‍රිතාන්‍යය බලා පිටත්ව ගොස් ඇති බවද දැනගන්නට ඇත.
