ජපානයේ ටෝකියෝ හි පැවැත්වීමට නියමිත 2020 ඔලිම්පික් උළෙල සඳහා විදේශීය ප්‍රේක්ෂකයන්ට සහභාගී වීම තහනම් කර ඇතැයි කියෝඩෝ ප්‍රවෘත්ති ඒජන්සිය වාර්තා කරනවා.
ජපානයේ කොවිඩ් – 19 වෛරස ව්‍යාප්තිය සැලකිල්ලට ගනිමින් මෙම තීරණය ගෙන ඇති අතර 2020 ටෝකියෝ ඔලිම්පික් උළෙල ඉකුත් වසරේ පැවැත්වීමට නියමිතව තිබූ නමුත් ලොව පුරා කොරෝනා වෛරසය ව්‍යාප්ත වීම හේතුවෙන් එය මේ වසරට කල් දමා තිබුනා.
ඒ අනූව, ඔලිම්පික් උළෙල එළඹෙන ජූලි 23 වැනිදා සිට අගොස්තු 8 වැනිදා දක්වා පැවැත්වීමට නියමිතව තිබෙනවා. එසේම, පැරා ඔලිම්පික් උළෙල පැවැත්වීමට නියමිතව ඇත්තේ, අගොස්තු 24 වැනිදා සිට සැප්තැම්බර් 5 වැනිදා දක්වායි.
කෙසේ වුවද, මාධ්‍යවේදීන්ට උළෙල ආවරණය සඳහා සාමාන්‍ය පරිදි අවසර හිමිවන බවද සදහන්.
